Une propueste indecente: la Zonte Illy nus taie la lenghe

Ta chestis setemanis la Zonte Illy e à fate buine une propueste di leç regjonâl che e varès di conventâ a tutelâ la lenghe furlane, rinfuarcint e integrant la Leç 15 fate buine de Regjon  F.V.J. tal 1996.

O doprìn il condizionâl parcè che, par come che le viodìn nô, no je vere che si trate di une leç che e permetarà di miorâ la situazion de nestre marilenghe.

Noaltris operadôrs linguistics, che o lavorìn tai ents locâi e teritoriâi, e che ogni dì o vin a ce fâ cu la situazion dificile che la lenghe furlane e je daûr a vivi, o crodìn che la lenghe furlane e vedi bisugne di intervents seris e no di sflocjis!

Une propueste di cualitât e jere stade preparade di un grup di esperts che a vevin lavorât par mês, metint dongje un test che al leve te direzion juste: afermazion dal dirit di podê doprâ il furlan in ogni situazion; la presince di un orghin tecnic responsabil de politiche linguistiche regjonâl (ARLeF) che al varès vût di lavorâ cun serietât e continuitât; une scuele metude finalmentri tes condizions di podê dâ une istruzion plurilengâl ai nestris students, come che za e previôt la Leç statâl 482/99... E la liste des riformis positivis e varès podût lâ indevant inmò.

Invezit NO! Parcè che la Zonte Illy e à fat capî che chestis robis lis judiche “masse” pe nestre lenghe, e e à decidût di butâ par aiar il lavôr di mês e mês di int che e lavore di agns a pro de lenghe furlane, e di intervignî in maniere pesante sul test!

Noaltris operadôrs dai sportei linguistics o vin confrontât i doi tescj e si sin rindûts cont che, se ta chescj agns a jerin stâts fats tancj pas indevant, cun cheste gnove propueste di leç il Friûl al fasarès un salt indaûr di passe 10 agns: e je stade fintremai taiade la definizion dal ûs de lenghe furlane come di un dirit!

Il nestri interès nol è politic, ma al è chel di tecnics che a lavorin intal setôr de promozion linguistiche, cussients des problematichis che a son tal meti in vore lis normis di tutele, ma convints che si à di lâ indevant e no indaûr.

Ce che al à stât fat bon de Zonte regjonâl nol va ta chê direzion. Si trate di un pas indaûr rispiet ae leç statâl di tutele des minorancis linguistichis e ancje rispiet ae politiche europeane ta chest setôr.

Al è ancjemò timp par comedâ i erôrs fats e par chest e je bisugne che il Consei regjonâl al torni sul test de propueste fate indenant dai esperts. Al è impuartant l'impegn di ducj par lâ ta cheste direzion e par convinci i conseîrs regjonâi a cjapâ cheste strade.

Se cussì nol ves di jessi, al è ben che ancje lôr si visin che ca di cualchi mês si varà di lâ a votâ, e i furlans a varan di meti sul plat de belance ancje l'impegn che lis fuarcis politichis, sedi a centriçampe sedi a centridrete, a àn metût par difindi la lenghe furlane e dut il patrimoni plurilengâl, unic vêr element che al justifiche e che al fonde la specialitât de nestre regjon. Forsit lis elezions no si vincin dome cu la tutele linguistiche, ma i nestris politics a àn di rindisi cont che, cence i furlans e il furlan, al è facil pierdilis.

Una proposta indecente: la Giunta Illy ci taglia la lingua

In queste settimane la Giunta Illy ha approvato una proposta di legge che dovrebbe servire a tutelare la lingua friulana, rafforzando e integrando la Legge 15 approvata dalla Regione F.V.G. nel 1996.

Usiamo il condizionale perché, per come la vediamo noi, non è vero che si tratta di una legge che permetterà di migliorare la situazione della nostra madrelingua.

Noi operatori linguistici che lavoriamo negli enti locali e territoriali, e che ogni giorno abbiamo a che fare con la situazione difficile che la lingua friulana sta vivendo, crediamo che la lingua friulana necessiti di interventi serii e non di stupidaggini!

Una proposta di qualità era stata preparata da un gruppo di esperti che avevano lavorato per mesi, stilando un testo che andava nella direzione giusta: affermazione del diritto di poter usare il friulano in ogni situazione; la presenza di un organo tecnico responsabile della politica linguistica regionale (ARLeF - Agjenzie regjonâl pe lenghe furlane) che avrebbe dovuto lavorare con serietà e continuità; una scuola messa finalmente nelle condizioni di poter dare un'istruzione plurilingue ai nostri studenti, come già prevede dalla Legge statale 482/99... E la lista delle riforme positive sarebbe potuta proseguire ancora per diversi punti.

Invece NO! Perché la Giunta Illy ha fatto capire che queste cose le ritiene “troppo” per la nostra lingua, e ha deciso di buttare all'aria il lavoro di mesi e mesi di persone che da anni lavorano a favore della lingua friulana, e di intervenire pesantemente sul testo!

Noi operatori degli sportelli linguistici abbiamo confrontato i due testi e ci siamo resi conto che, se in questi anni si erano fatti tanti passi avanti, con questa nuova proposta di legge il Friuli farebbe un salto indietro di oltre 10 anni: è stata addirittura cancellata la definizione che afferma che l'uso della lingua friulana è un diritto!

Il nostro non è un interesse partitico, ma è quello di tecnici che lavorano nel settore della promozione linguistica, consapevoli delle problematiche per l'attuazione delle norme di tutela, ma convinti che si debba andare avanti e non indietro

Ciò che è stato approvato dalla Giunta regionale non va in questa direzione. Si tratta di un passo indietro rispetto alla legge statale di tutela delle minoranze linguistiche e anche della politica europea in questo settore.

C’è ancora tempo per rimediare agli errori fatti, per questo è necessario che il Consiglio regionale ritorni sul testo della proposta presentata dagli esperti. L’impegno di tutti è importante per andare in questa direzione e per convincere i consiglieri regionali a seguire questa strada.

Se non sarà così, è bene che anche loro si rendano conto che tra qualche mese ritorneremo alle urne, e i friulani dovranno mettere sul piatto della bilancia anche l'impegno che le forze politiche, sia di centrosinistra sia di centrodestra, hanno messo per difendere la lingua friulana e tutto il patrimonio plurilingue, unico vero elemento che giustifica e che fonda la specialità della nostra regione. Forse le elezioni non si vincono solo con la tutela linguistica, ma i nostri politici devono rendersi conto che, senza i friulani e il friulano, è facile perderle.!